Биыл Украинаның Тәуелсіздігіне 33 жыл толып отыр. Мерекелік шарада сөз сөйлеген Зеленский жылап қалды, деп хабарлайды Jambylinfo.kz

Бүгін ел астанасы Киевте Украина Қарулы Күштерінің мерекелік шеруі өтті.  Салтанатты шараның бейнежазбасы әлеуметтік желіні шарлады. Екі жарым жылдан бері Ресеймен соғысып жатқан елді қолдап пікір жазып жатқан шетелдіктер өте көп. 

Желіде тараған видеоға зер салсақ, Киевтің орталығындағы шарада қолына гүл алған қыз бала алаңға шыққан күйі алып жалау астымен өтіп, жауынгердің бірімен қауышады.

Бұл көрініс Украина халқының бейбітшілік заманға жетуге аңсар- арманын көрсеткендей болды. 

Іс-шара халыққа тікелей эфирде көрсетілді. Көрініске ел президенті Зеленскийдің көңілі босағанын көруге болады.

Украина КСР Жоғарғы Кеңесінің 1991 жылы Украина тәуелсіздігінің Декларациясы туралы актіні қабылдауы құрметіне атап өтіледі.
Айта кетейік, 1992 жылғы ақпанда Жоғарғы Рада Украинаның Тәуелсіздік күнін тойлаудың ресми күні 24 тамыз деп бекітті. Оған дейін олар 1 шілде  – Тәуелсіздік күні деп атап өткен еді.