Жасанды интеллект (ЖИ) экономиканың барлық салаларында белсенді және кеңінен енгізіліп жатыр. ЖИ еңбек нарығынан бастап цифрлық инфрақұрылым мен жеткізу тізбегіне дейін барлығын төңкеріп, жаһандық экономиканы түбегейлі өзгертуі тиіс. Халықаралық валюта қорының (ХВҚ) мәліметінше, жаһандық жұмыспен қамтудың 40%-ға жуығына ЖИ әсер етеді, ал кейбір салалар басқаларға қарағанда ЖИ негізіндегі автоматтандыруға көбірек бейім, деп хабарлайды Jambylinfo.kz.

ranking.kz хабарлаған болжам бойынша 2300 жылға қарай ЖИ адам интеллектінің деңгейіне жетіп, жаһандық экономикаға жылына 4,4 трлн доллар қосады. Осы уақытқа дейін Бразилия, Қытай, АҚШ, ЕО, Сингапур және Оңтүстік Кореяны қоса алғанда, 60 ел ЖИ саласындағы ұлттық стратегияларын әзірледі.

Халықаралық ынтымақтастық та қарқын алып отыр. 2020 жылы Жасанды интеллект бойынша жаһандық серіктестік құрылды, оның құрамына 29 мемлекет, соның ішінде Канада, Жапония және АҚШ кіреді.

Сарапшылардың пікірінше, ЖИ ережелері әлі де әзірленіп жатқанымен, ұйымдар заңды және қаржылық тәуекелдерді болдырмау үшін қазірден бастап әрекет етуі маңызды.

ХВҚ ұсынған ЖИ-ға дайындық индексіне сәйкес, 2023 жылы ЖИ енгізуге дайын елдердің көшбасшылары Сингапур, Дания және АҚШ болды. Сингапур ЖИ дамытуға және мемлекеттік қызметкерлерге арналған құралдарды жасауға белсенді түрде инвестиция салып, өз азаматтарына осы технологияларды тез меңгеруге көмектесіп жатыр.

ЖИ-ға дайындық индексін төрт негізгі фактор бағалайды: цифрлық инфрақұрылым, адами капитал, технологиялық инновация және заңнамалық база. 174 елдің ішінде Сингапур, Дания және АҚШ ең дайын болса, Оңтүстік Судан, Ауғанстан және Сомали сияқты Африка елдері ең аз дайындалды.

Қазақстан ЖИ енгізуге дайындығы бойынша 50 жетекші елдің қатарына енді, ол 0,55 балл көрсеткішімен 48-ші орынға ие болды, Ресейден кейін екінші орында. Қазақстанда ЖИ қолданудың перспективалы саласы — географиялық ақпараттық жүйелерді пайдалана отырып, мемлекеттік қызметтерді түрлендіру. Мысалы, ел қазірдің өзінде ауылдық инфрақұрылымды талдау үшін ЖИ пайдаланып жатыр, бұл дамуды тиімдірек жоспарлауға мүмкіндік береді.

Орталық Азия мен ЕАЭО елдерінің ішінде Қазақстан Армения, Беларусь және Қырғызстаннан алда, бірақ Ресейден кейін тұр. Тәжікстан мен Өзбекстан рейтингте төмен орындарды иеленіп отыр, бұл осы елдерде ЖИ дамытуды жеделдету қажеттігін көрсетеді.