Танымал педагог, Qazbilim group компаниясы басқарма төрағасы Аятжан Ахметжанұлы мектепте оқу бағдарламасы мен оқулықтың сапасы жуық арада өзгермейтінін айтты, деп хабарлайды  Jambylinfo.kz.

"Біздің оқулықтар сапасыз. Осыдан 10-15 жыл бұрын осы мәселені жырлаулы едік. Баяғы жартас, сол жартас. Өзгерген ештеңе жоқ. Менен біреу: "Жақында мектептегі сапасыз оқулықтар жойылып, оның орнына жаңа, сапалы оқулықтар жазыла ма?" десе ойланбастан: "Бізде жуырда оқулықтар сапасы өзгермейді",- деп жауап беретін едім. Мені мазалайтын басты сұрақтар: Оқулық сапасы оңала ма? Оқу бағдарламасы мен оқулық бір жүйеге қашан түседі? Білім мазмұны бір ізге қашан түседі? Бірақ, тыңдар құлақ жоқ, - деп жазды ол желідегі парақшасында.