жұма, 19 шілде, 2024 5:17

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Қазақстанда сәбіз, ұн, сүт, күріш, тұз бен қант арзандап жатыр

Қазақстанда сәбіз, ұн, сүт, күріш, тұз бен қант арзандап жатыр
Сурет ашық дереккөзден алынды
Соңғы алты айда олардың бағасы 0,1 пайызға төмендеген

Вице-премьер Серік Жұманғариннің төрағалығымен өткен кеңесте әлеуметтік маңызы бар азық-түлік тауарларының бағасына қатысты жағдайдың қорытындылары талқыланды, деп хабарлайды jambylinfo.kz.

Primeminister.kz сайтының жазуынша, жарты жылда әлеуметтік маңызы бар азық-түлік тауарлары бағасының тұрақты түрде арзандаған: маусымда орташа баға индексі 0,3%-ға, ал жыл басынан бері жалпы 0,2%-ға төмендеді. Дереккөз баға қазір де төмендеп жатыр дейді.

Сауда және интеграция бірінші вице-министрі Айжан Бижанованың айтуынша, кейінгі аптада бағалар орташа тағы 0,1%-ға төмендеген. Әсіресе, 9 тауар бойынша: сәбіз (1,5%), қарақұмық жармасы (0,8%), ұн (0,7%), сүт (0,5%), тауық еті (0,2%), күріш, сиыр еті, тұз және қант (0,1%).

Бағаның төмендеуі 10 облыста байқалады. Айтарлықтай төмендеу Маңғыстау облысында (0,4%) және Павлодар облысында (0,3%) байқалған. 

Ауыл шаруашылығы вице-министрі Ербол Тасжүреков өңірлердегі ерте пісетін өнімдерге келісімшарт жасау барысын баяндады. Қазіргі уақытта әкімдіктер маусым-шілде айларына ерте пісетін көкөністерге 37 мың тонна көлемінде форвардтық келісімшарттар жасасты.

Вице-министр 1 тамызға дейін өңірлер күзгі өнімді форвардтық сатып алу аясында ауыл шаруашылығы өндірушілерін қаржыландыру қажеттігін, фермерлердің жеңілдетілген қаражатты уақытылы алуын қамтамасыз ету керек екенін атап өтті. 

jambylinfo.kz
Автор

jambylinfo.kz

Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз

Ұқсас жаңалықтар