Қазақстанда Орталық Азиядағы ең ірі электронды сауда тарату орталықтарының бірі ашылады, деп хабарлайды jambylinfo.kz.
  
Сауда және интеграция министрі Арман Шаққалиев пен YTO Express Co. басқарма төрағасы әрі осы компанияның негізін қалаушы Ю Вэйцзя кездесіп, Орталық Азиядағы ең ірі электронды сауда тарату орталықтарының бірі Қазақстанда ашылатыны мәлім етті.

«Бұл орталық тауарларды жедел өңдеуді және олардың ЕО, ЕАЭО және Орталық Азия елдеріне жеткізілуін қамтамасыз етеді. Қытай тарапы жобаны жақын арада іске асыруды көздеп отыр», - деп хабарлады министрлік.

Айта кетейік, бұл жоба өңірде экономикалық байланыстарды нығайту және халықаралық онлайн сауданы дамыту жолындағы маңызды қадам болмақ.