Жоғарғы сот Қаңтар оқиғасы кезінде оққа ұшқан Айкөркем Меделханның ісі бойынша 7 жылға сотталған әскери қызметкер Арман Жұманның ісі бойынша шешім шығарды, деп хабарлайды jambylinfo.kz «ҚазАқпаратқа» сілтеме жасай отырып.

«А.Жұманға қатысты қылмыстық іс құпия түрде қаралды. Кассациялық қадағалаудың қорытындысы бойынша төменгі тұрған органдардың сот актілерінің күші жойылды, іс апелляциялық сатыдағы сотқа жаңадан қарауға жіберілді», - деп хабарлады ҚазАқпарат Жоғарғы соттың ақпаратын.

Бұған дейін істі апелляциялық тәртіпте қараған әскери соттың үкімімен Арман Жұман жеті жылға сотталған болатын.