Алматының «барахолка» базарындағы қоймалардың бірінен шыққан өрт толығымен сөнді, деп хабарлайды jambylinfo.kz төтенше жағдайлар министрлігіне сілтеме жасай отырып.

«Сағат 14.58 өрт жойылды. Зардап шеккендер жоқ», - деп хабарлады ТЖМ.

Естеріңізге сала кетейік, бүгін, 17 ақпан сағат 10:40-та Алматы қаласы Көкмайса-27 шағын ауданындағы қоймалардың бірінен өрт шығып, оқиға орнына 70 өрт сөндіруші аттанған болатын.

Сағат 11-31-де жанып жатқан қоймадан 1 газ баллоны (көлемі 25 л) шығарылған. Өрт сөндірушілер қойма ішіндегі өзге де қауіпті заттардың кесірінен (газ баллондары, аэрозольді газ баллондары, лак-бояу бұйымдары) өртті тез ауыздықтай алмаған еді.