Оқиға 21 желтоқсан күні №104 бағытта қатынайтын қоғамдық көлікте тіркелді, деп хабарлайды Jambylinfo.kz 

Алдын ала деректерге сәйкес, автобус жүргізушісі жолаушы толықтай түсіп үлгермей тұрып қозғалысты бастап кеткен.

Соның салдарынан әйел адам тепе-теңдігін сақтай алмай, жерге құлап, омыртқасынан жарақат алған. Қазіргі уақытта бұл жағдайға байланысты полиция тексеру жұмыстарын жүргізіп жатыр.

Құзырлы органның мәліметінше, оқиғаның барлық мән-жайы жан-жақты зерттелуде. Тергеу барысында жүргізушінің де, жолаушының да әрекеттеріне құқықтық баға берілетін болады.