Жазғы маусымға арналған бұл жаңа бағыт аптасына екі рет – сәрсенбі және жұма күндері орындалады. Ұшу Airbus A320 ұшағымен жүзеге асады, деп хабарлайды Jambylinfo.kz 

Қарағандыдан ұшақ 14:20-да көтеріледі, ал Ыстамбұлға 18:35-те қонады. Кері рейс 19:20-да ұшып, Қарағандыға келу уақыты – 02:30.

Алғашқы рейс салтанатты түрде аттанып, жолаушыларға дәстүрлі түрік тәттілері табысталды.

Авиакомпания өкілдерінің айтуынша, бұл бағыт Қазақстан мен Түркия арасындағы әуе қатынасты нығайтып, Қарағанды тұрғындары үшін Ыстамбұлға тікелей қатынау мүмкіндігін ашады. Рейс 29 тамызға дейін жалғасады.