Қарағандылық Ұлы Отан соғысының ардагері Мария Ефимовна Шинкевич бүгін ғасырлық мерейтойын атап өтті, - деп хабарлайды Jambylinfo.kz 

Құттықтауға Қазыбек би атындағы аудан өкілдері, қалалық мәслихат депутаттары, ардагерлер кеңесі, әскери қызметкерлер мен оқушылар келді.

«Сіз – Отанға адал қызмет етудің айқын үлгісісіз. Өмір жолыңыз – үлкен өнеге. Сіз соғысты да, одан кейінгі қиын кезеңдерді де абыроймен өткерген қаһарман буынның өкілісіз. Азаттық пен бейбіт аспан үшін күрескеніңізге, Ұлы Жеңісті жақындатуға үлес қосқаныңызға бас иеміз. Сізге зор денсаулық, жанашыр жандардың қамқорлығы мен сүйіспеншілігіне бөленген ұзақ өмір тілейміз», – деді Қазыбек би ауданы әкімінің орынбасары Ринат Қаржасбаев.