Астана – Шідерті – Павлодар – Успенка – РФ шекарасы бағытындағы республикалық маңыздағы автожолдың кейбір бөліктері қатты ыстықтың салдарынан зақымданған, деп хабарлайды Jambylinfo.kz 

12 маусым күні кешке, жолдың 1265-шақырымында асфальт жамылғысы жарылып, бетон плиталар қисайып кеткен.

«Ауаның күрт ысуы (+33…+35°C) салдарынан цемент-бетон жабындысы бүлінді. Қазір жол қызметі қауіпсіз қозғалысты қамтамасыз ету үшін уақытша белгілер орнатты. Ақау анықталған аумаққа арнайы техника жеткізіліп, жөндеу жүріп жатыр», – деп мәлімдеді компания өкілдері.

Апатты аумақта тәулік бойы кезекшілік ұйымдастырылған.