«Қазгидромет» синоптиктерінің болжамынша, дүйсенбі, 22 қыркүйекте еліміздің кейбір өңірлерінде жаңбыр жауып, найзағай ойнайды. Желдің күші күшейіп, екпіні секундына 20–23 метрге дейін жетуі ықтимал, деп хабарлайды Jambylinfo.kz

Елордада жаңбыр жауып, найзағай ойнайды. Кешке қарай желдің жылдамдығы 15–18 м/с-қа дейін күшейеді. Түнде +7...+9°C, күндіз +19...+21°C жылы болады.

Алматы мен Шымкентте жауын-шашынсыз, күн жылы. Алматыда күндіз +25...+27°C, Шымкентте де осындай ауа райы күтіледі. Дегенмен екі қалада да кешкісін жел күшейеді.

Оңтүстік өңірлерде (Түркістан, Тараз) жауын-шашынсыз, бірақ желдің күші секундына 20–23 метрге дейін жетуі мүмкін. Күндіз ауа температурасы +28...+30°C-қа дейін көтеріледі.

Солтүстік облыстарда (Петропавл, Қостанай, Көкшетау) жаңбыр мен найзағай болжанған. Петропавлда күндізгі температура +14...+16°C шамасында ғана болады.

Батыс Қазақстанда (Атырау, Ақтау, Орал) жауын-шашынсыз, күн ашық. Күндіз ауа +23...+27°C аралығында жылы.

Шығыс өңірлерде (Өскемен, Семей) жауын-шашынсыз, күн ашық, күндіз +21...+24°C.

Жалпы алғанда, Қазақстанның басым бөлігінде ауа райы құбылмалы болады. Синоптиктер желдің күшеюіне байланысты тұрғындарға сақ болуды ескертеді.