Қазақстанның тұңғыш Бас мүфтиі болған Рәтбек қажы Нысанбайұлы өмірден өтті, деп хабарлайды Jambylinfo.kz 

Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы еліміздің тұңғыш Бас мүфтиі Рәтбек қажы Нысанбайұлы Хазіреттің дүниеден өтуіне байланысты марқұмның отбасы мен жақындарына көңіл айту жеделхатын жолдады.

Рәтбек қажы Нысанбайұлы 1940 жылы дүниеге келген. Ол белгілі діни қайраткер, ғұлама әрі Құран Кәрімді қазақ тіліне аударған танымал тұлғалардың бірі. Сондай-ақ ислам діні мен рухани ағарту бағытында жазылған бірқатар құнды еңбектердің авторы болды.