Жамбыл облысында қолайсыз ауа райына байланысты Қордай асуы аумағындағы республикалық маңызы бар автожолдың 159–238 шақырым аралығы көліктің барлық түрі үшін уақытша жабылды, деп хабарлайды Jambylinfo.kz 

Жамбыл облысы Полиция департаментінің хабарлауынша, бұл шара жол қозғалысының қауіпсіздігін қамтамасыз ету және жол-көлік оқиғаларының алдын алу мақсатында қабылданған.

Ведомство жүргізушілерге алыс жолға шықпауды, қозғалыс кезінде арақашықтықты сақтауды және жол ережелерін қатаң ұстануды ескертеді. Қажет болған жағдайда жол қызметтерінің нұсқауларын орындау маңызды.