Абай облысының әкімі Берік Уәли "Қарағайлы" және "Жастық" шағын аудандарында салынатын екі жаңа саябақтың жобаларымен танысты, - деп хабарлайды Jambylinfo.kz 

"Жастық" шағын ауданындағы саябақта футбол және баскетбол алаңдары, балаларға арналған ойын аймақтары мен шағын сәулеттік формалар қарастырылған. Демалыс аумағының жалпы ұзындығы бір шақырымға жуық болады.

Ал "Қарағайлы" шағын ауданындағы саябақ – көпфункционалды демалыс аймағына айналады. Жоба аясында жаяу жүргіншілер жолдары, мәдени шараларға арналған сахна, халыққа арналған демалыс орындары мен көгалдандыру жұмыстары жоспарланған.

Облыс әкімі мердігерлерге жобаларды сапалы әрі белгіленген мерзімде аяқтау жөнінде нақты тапсырма берді.