Астана сотында экс-министр Қуандық Бишімбаетың ісі бойынша тараптардың жарыссөзінің екінші күні басталды. Қорғаушы тараптың адвокаты Ерлан Ғазымжанов әр отбасында орын алатын жанжал үшін ер азаматтарды соттау ақылға сыймайды деп мәлімдеді, деп хабарлайды jambylinfo.kz.

Ерлан Ғазымжанов айтуынша, әр шаңырақта жылына 3 рет ұрыс-керіс болу қалыпты жағдай. Ал оның қорғаушысы Бишімбаевта марқұм Нүкеновамен бақытты болған.

«Иә, бұл кісілер бақытты өмір сүрді. Қымбат киім киіп, қалауынша тамақ ішіп, шетел аралады. Қарап тұсаңыздар, отбасыларда кездесетін конфликт болған. Егер біз еліміздегі әр отбасында болатын жанжал үшін ер азаматтарды 5-7 жылға соттай берсек не болады?», - деді адковат.

Ерлан Ғазымжановтың бұл сөздері судья Айжан Құлыбаеваның шамына тиді. Ол бірден адвокатқа ескерту жасады.