Тұран ауданының прокуратурасы хабарлағандай, тексеру барысында 6 843 837 теңге сомадағы бюджет қаражатын жымқыру фактілерін анықталған.

«Бұл ақшалай қаражат 2022-2023 жылдар аралығында №73  орта мектепті ағымдағы жөндеу жұмыстарын жүргізуге, ғимаратты жылытып ұстау үшін көмір жеткізуге бюджеттен бөлінген. Одан бөлек, мектеп директоры  «2 өлі жанға» қызметкерге ай сайын еңбекақы төленіп отырғаны белгілі болды", - деп жазылған хабарламада.

Қазір аудан прокуратурасы мектеп басшылығына қатысты Қазақстан Республикасы Қылмыстық кодексінің 189-бабы 3-бөлігінің 1-тармағы (Сеніп тапсырылған бөтен мүлікті иемдену немесе ысырап ету) бойынша сотқа дейінгі тергеп-тексеруді бастады.