Күні кеше Талдықорғандағы демалыс орындарының бірінде оқ атылды. Оқыс оқиғаның видеосы Instagram-дағы Taldykorganec.insta парақшасында жарияланған, - деп хабарлайды Jambylinfo.kz

Жетісу облысының полиция департаменті бастапқыда тәртіп сақшылары жанжалдың барлық мән-жайларын анықтап, тексеру жүргізіп жатқандарын хабарлады.

Кейінірек ПД төбелеске қатыстылардың барлығы ұсталғанын айтып, олардың бірі әскери адам екенін растады.

"Төбелесті бастағандардың анықталғанын хабарлаймыз, олардың бірі - әскери қызметші. Аталған факті бойынша тергеуді әскери-тергеу басқармасы жүргізеді", - делінген хабарламада.