сәрсенбі, 12 маусым, 2024 19:54

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

«Тіл мерекесі қай күні екенін білмейтін мұғалімдер бар»: Оразкүл Асанғазы ұстаздарды не үшін сынады

«Тіл мерекесі қай күні екенін білмейтін мұғалімдер бар»: Оразкүл Асанғазы ұстаздарды не үшін сынады
Сурет ашық дереккөзден алынды
Экс-депутат кейбір ұстаздардың кәсіби біліктілігін сынға алды

Таразда өтіп жатқан қазақ тілі мен әдебиеті пәні мұғалімдерінің республикалық форумында мемлекет және қоғам қайраткері, тіл жанашыры Оразкүл Асанғазықызы ұстаздардың кәсіби біліктілігін сынға алды, деп хабарлайды jambylinfo.kz.

«Мұғалімдермен жиі кездесемін. Сондай кездесудің бірінде мұғалімдерден «елімізде Тіл мерекесі қай күні» деп сұрадым. Олар 22 қыркүйек деп жауап берді. Дұрыс жауап беретін мұғалім табылмады. Ендеше, біле жүріңіздер, 5-қыркүйек – Тілдер күні. Бұл күн Ахмет Байтұрсынұлының туған күніне орай арнайы белгіленген», -деді Асанғазы.

Сонымен қатар, тіл жанашыры мұғалімдерді ешқандай заң жөнге салмайтынын, мұғалім өз-өзін дамыту, тілге жаны ашу, оқушыларды шексіз жақсы көру арқылы кәсіби білікті маман бола алатынын атап өтті.

Еске салайық, тіл жанашырлары жиналған форумның мақсаты қазақ тілі мен әдебиеті пәні мұғалімдеріне әдістемелік қолдау көрсету.

Индира Тәліпқызы
Автор

Индира Тәліпқызы

jambylinfo.kz сайтының авторы

Ұқсас жаңалықтар