Ұлтаралық араздықты қоздырған Рудный тұрғыны сотталды
- авторjambylinfo.kz
- 6 қараша, 2020
- 145
![Ұлтаралық араздықты қоздырған Рудный тұрғыны сотталды](https://jambylinfo.kz/wp-content/uploads/2020/11/kirill-bozhko.jpg)
Қостанай облысында ұлтаралық араздықты қоздырған Рудный тұрғыны сотталды.
Полиция әлеуметтік желіде тараған видеоны тексерді. Рудный тұрғыны украиналық блогермен болған әңгіме барысында Қазақстан Республикасының мемлекеттік тілін, жерін қорлап, қазақ халқының ар-намысына тиетін сөздер айтқан.
Әлеуметтік желіге мониторинг жүргізу барысында полицейлер YouTube арнасынан аталмыш видеоны анықтап, шұғыл тексеріс жүргізді.
![Кирилл Божко](https://aikyn.kz/wp-content/uploads/2020/11/%D0%9A%D0%B8%D1%80%D0%B8%D0%BB%D0%BB-%D0%91%D0%BE%D0%B6%D0%BA%D0%BE-1.jpg)
Кейіннен Кирилл Божко Қазақстан халқынан кешірім сұрап, видеоүндеу жолдады. Рудный қалалық сотының үкімімен Рудный қаласының тұрғыны Б. ҚР ҚК 174-бабы 1-бөлігі бойынша сотталды.
Облыстық соттың баспасөз қызметі: «Сотталушының кінәсі бейнежазба және арнайы сараптама қорытындысымен дәлелденді. Сот іс бойынша барлық мән-жайды ескере отырып, Божконы 2 жылға бас бостандығынан айыру жазасын тағайындады. Үкім заңды күшіне енген жоқ» деп мәлімдеді.
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз