Адвокат сот процесі басталғанынан бері  денсаулығы сыр бере бастағанын  әлеуметтік желідегі жеке парақшасында жазды, деп хабарлайды  Jambylinfo.kz

Қылмыстық іс бойынша 17 жылдық тәжірибесі бар адвокат Жанна Оразбақова наурыз айынан бері «Қуандық Бишімбаев қатыгездікпен өлтірді» деген Салтанат Нүкенованың қорғаушысы ретінде сот процесіне қатысып жатыр. Күні кеше ол өзінің парақшасындағы оқырмандарына денсаулығы нашарлай бастағанын айтқан.

   Шамамен 27 наурыздан бастап 2 мамыр аралығында өмірім зырғып өтті. 8 келі артық салмақ жинаппын. Көзімнің айналасы ісініп кетті. Алматыға кететін болғандықтан, мен кеше сот процесінде болмадым. Бірақ жаныммен Айтбек Амангелдімен біргемін,- деп жазды Жанна Оразбақова.