Қазақстанның еңбек сіңірген қайраткері Мейрамбек Бесбаев тағы да әке атанбақ. Әншінің жары Мархабат Бесбаеваның ай-күні жақын, деп хабарлайды Jambylinfo.kz

Мархабат Бесбаева желідегі парақшасына видео жариялап, халықтан сүйінші сұраған.

«Әйел үшін қуанышқа толы ең бақытты кездердің бірі 9 ай құрсағында сәбиін көтеріп жүру болса керек. Аллаға шүкір, осы әдемі кезеңді мен де міне, үшінші рет басымнан кешудемін! Араға 9 жыл салып көрген қуанышымды сіздермен бөліскім келіп отыр. Біз сені қатты күтудеміз, сәбиім! Сәби күтіп жүрген әр әйелге жұғысты болсын», - деп жазды Мархабат Бесбаева.

Желі қолданушылары қолдау білдіріп, ақ тілегін жарыса жазған.

«Ағамыз сиякты халыктың баласы болсын», «Мейрамбек аға берген бата, көкпарда көптің тілеуі қабыл болыпты ғой», деп желі қолданушылары да өздерінің жылы лебіздерін білдірді.