Әлеуметтік желіде Қабылбек Әліпбайұлының сұқбатынан үзінді тарады. Онда танымал имам араб тілі қазақ тілін бұзбағанын, қайта қазақ тіліндегі сөздің 70 пайызы араб тілінен енгенін айтқан, деп хабарлайды Jambylinfo.kz

-    Егер араб сөздерінен бас тартсақ, қазақ сөздігінің қолданыстағы 70 пайыз сөзінен бас тартуымыз керек. Мысалы, «Рахмет, шүкір, ұстаз, дәптер, тәубе» деген сөздер арабтың сөздері. Одан кейін тілдік қорымыздағы сөздердің 30 пайыздайы орыстардан енген. Сонда бізде не қалды? деген сұрақ бар. «Сендер арабқұлсыңдар» дейді. Мысалы, шүкір мен рахмет арабтың сөзі екенін айттым ғой. Мен осы сөздердің орнына не айтамын?,- деген Қабылбек Әліпбайұлы. 
Ал әлеуметтік желі қолданушылары ұстаздың бұл пікірімен келіспей, өздерінің уәжін білдіріп, пікір жазған.