Сот-медициналық сарапшысы Мұхит Оразбекұлының айтуынша, зерттеу барысында сол жақ кеуде тұсынан еніп, шаншылып-кесілген жарақат анықталған, деп хабарлайды Jambylinfo.kz 

– Мен зерттеу жүргізген кезде сол жақ кеуде қуысына еніп, шаншылған, кесілген жарақат анықталды. Аталған жарақаттар артқы қолтық асты сызығының арасында орналасқан, 5 және 6-шы қабырғалардың ортасынан табылды. Сол жақ өкпенің жоғарғы бөлігін жарақаттаған. Сыртқы жарақаттың көлемі – 2 сантиметр. Жара арнасы бағыты арттан алдына қарай, солдан оңға қарай, біршама жоғарыдан төменге қарай орналасқан. Жарақат арнасының тереңдігі – 12 сантиметр, – деді сот сарапшысы.