сенбі, 7 маусым, 2025 9:27

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Шерзат Полаттың өліміне қатысты іс бойынша тың деректер жарияланды

Шерзат Полаттың өліміне қатысты іс бойынша тың деректер жарияланды
Фото: видеодан скриншот
Жетісу облысының мамандандырылған ауданаралық сотында Шерзат Полаттың өліміне қатысты іс қаралып жатыр. Қоғамда үлкен резонанс тудырған бұл сот процесінде маңызды айғақтар жария етілуде.

Сот отырысында мемлекеттік айыптаушы Дана Сәрсенбай күдікті Нұрбол Тоқтаубаев тізгіндеген Volkswagen Golf көлігіне жүргізілген тексеру хаттамасын оқып берді. Бұған дейін марқұм Нұрқанат Ғайыпбаев та бұл көліктің оқиға орнында болғанын растаған еді, - деп хабарлайды Jambylinfo.kz 

Прокурор көліктің алдыңғы және артқы терезелерінде сыну мен тесу іздері бар екенін атап өтті. 

– Көліктің алдыңғы терезесінде сынған және тесілген іздер бар. Артқы терезеде де тесілген жерлер байқалды. Ал салонын қарап тексеру кезінде алдыңғы сол жақ орыннан үлкен пішінді тас табылды, – деді прокурор.

Сонымен қатар, көліктің жүк салғышынан тағы екі тас және сабы қоңыр, ағаштан жасалған асүй пышағы алынған. Бұл заттар да іс үшін маңызды айғақ ретінде қарастырылып отыр.

Тағы бір назар аударарлық жайт – көлік қобдишасынан табылған медициналық куәландыру қорытындысы. Құжат Жантөре Байтұрсынның атына берілген және психобелсенді зат қолданғаны мен мас күйде болғанын көрсетеді. 

– Бұл құжат та іс материалдарына айғақ ретінде енгізілді, – деді мемлекеттік айыптаушы. 

Сот процесі жалғасуда. Келтірілген әрбір дерек істің мән-жайын ашуға және кінәлілерді әділ жазалауға себеп болуы мүмкін.

 

 

 

Бақытжан Бекболат
Автор

Бақытжан Бекболат

Бақытжан Бекболат

Ұқсас жаңалықтар