Сот барысында мемлекеттік айыптаушы тергеу кезінде алынған жауаптардың бір бөлігін жария етті, - деп хабарлайды Jambylinfo.kz

Онда Қаржаубай Нұрымов тергеушіге берген жауабында болған жайттарды былайша сипаттаған:

– Арасында болды, тепкіледі. Әрі қарай Нұрқанатқа пышақты кім тыққанын көрген жоқпын. Бірақ Нұрқанат сол жерде жатып қалды. Бірінші Нұрқанат менің балам Шерзатты қорғап, қойыңдар деп жатқан кезде, баламның артқы жағынан біреу пышақты тыққан. Балам артқа қарай отырып қалды. Сол жерде қан құсып жіберді, - дейді Қаржаубай Нұрымов.

Нұрымовтың айтуынша, Нұрқанатты ұрып-соққаннан кейін қалған жігіттер Шерзатқа қайта жабылып, оны да аяусыз соққыға жыққан.

– Сосын жанына барып, «не болды саған?» деп сұрағанымда, мына жағын көрсетті. Арқа тұсын. Қарасам, пышақ тыққаны көрініп тұр. Балам сол жерде жатып қалды. Қалған жігіттер Нұрқанатты ұрып-тепкілеп болғаннан кейін, менің баламды жабылып ұрды. Мылтықтың басымен ұрды. Ешқайсысы қарап тұрған жоқ. Бәрі тепкіледі, ұрды, соқты – дейді ол.