Қазақстан Республикасы ҰҚК ШК Жамбыл облысы бойынша департаменті Жамбыл ауданы бойынша шекара басқармасының кітапханасында Дінмұхамед Қонаевтың туған күніне орай «Елін танытқан ер» атты мәдени-көпшілік шарасы өтті. Жиынға басқарма тәрбие, идеологиялық және кадрлық жұмыс бөлімінің бастығы А. Қарсабаев және шекара қызметінің жауынгерлері қатысты.

Шара барысында ұлт тарихында өшпес із қалдырған дара саясаткердің өмірі мен қызмет жолына қатысты жазылған кітаптар қойылған «Ғасыр толғатқан тұлға» атты көрме таныстырылды. Сонымен қатар, көрме сөрелерінен ұлтының ұлы тұғасы жайында жазылған өлеңдер мен мерзімді басылымдарда жарияланған түрлі мақалалар орын тапты.

К.Әбсеметова,

Қазақстан Республикасы ҰҚК ШК Жамбыл облысы бойынша департаменті кітапхана меңгерушісі