Іс-шараны Жамбыл облысы Полиция департаментінің есірткі қылмысына қарсы іс-қимыл басқармасы мен облыс әкімдігінің білім басқармасы бірлесіп ұйымдастырды.
Жамбыл облысы Меркі ауданындағы "Жұлдыз" жазғы балалар лагерінде "Есірткісіз болашақ!" ұранымен есірткіге қарсы бағытталған ауқымды акция өтті, деп хабарлайды Jambylinfo.kz
Балалар үшін арнайы дайындалған мазмұнды бағдарлама спорттық, шығармашылық және танымдық бағыттарды қамтыды. Лагерь аумағында қыздар мен ұлдар арасында волейбол, ал ұлдар арасында футбол турнирі өткізілді. Сонымен қатар, өзен жағасында сурет салу байқауы ұйымдастырылып, балалар шығармашылық қабілеттерін көрсетті.
Акцияның танымдық бөлігі киіз үйде өткен дәріспен жалғасын тапты. Мұнда балалар салауатты өмір салты, есірткінің зияны туралы маңызды ақпарат тыңдап, мамандармен ашық пікір алмасты.
Іс-шара аясында балалар ұлттық дәстүрлермен танысып, домбыра тартып, өнерлерін ортаға салды. Осылайша, акция жас буынға пайдалы өмірлік бағыт беруді, сондай-ақ олардың бос уақытын тиімді ұйымдастыруды мақсат етті.
Ұқсас жаңалықтар
