сәрсенбі, 12 маусым, 2024 19:33

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

«Соңғы үкім» фильмі: Азамат Сатыбалды әуел баста неге Ахмет Байтұрсынұлының рөлін ойнаудан бас тартқан

«Соңғы үкім» фильмі: Азамат Сатыбалды әуел баста неге Ахмет Байтұрсынұлының рөлін ойнаудан бас тартқан
Сурет ашық дереккөзден алынды
Актер Абайдың рөлін сомдағанына әлі өкініп жүр

Алаш зиялысы Ахмет Байтұрсынұлының ғұмыры бейнеленген «Соңғы үкім» фильміне түскен Азамат Сатыбалды өзі сомдаған рөлі жайынды пікірін айтты, деп хабарлайды jambylinfo.kz.

«Уақыт көрсетеді» ютуб-арнасына берген сұқбатында Азамат Сатыбалды өзіне ұсынылған Ахмет Байтұрсынұлының рөлін ойнаудан басында бас тартқанын хабарлады. Өйткені, актер бұл уақытта ақиық ақын Мұқағали Мақатаевтың образын сомдаған. Осылай ақталған ол Алаш зиялысының табиғатын, пайымды істерін жеткізуге жүрексінгенін алға тартты. 

«Ахмет Байтұрсынұлының рөлін ойнаймын деген нәрсе үш ұйықтасам да түсіме кірмеді. Мен үшін ол бөлек тұлға, бөлек форматтағы адам. Табиғаты маған келмейтін тұлға. Мен тез ашуланып, тез басылатын адаммын. Маған хабарласып осындай ұсыныс жасағанда мен ойнай алмайтынымды айтып, бірден бас тарттым»,- деді Азамат Сатыбалды. 

Сонымен қатар сұхбатта актер Абайдың рөлін ойнағаны үшін қынжылатынын атап өтті. Мұны ол «ерте келген рөл» деп түсіндірді. Оның сөзінше, Ахмет Байтұрсынұлының рөлін ойнауға көндірген сценарий авторы Ғалым Доскен болған. Бірақ, Азамат Сатыбалды өз талабын ашық айтқан. 

«Мен ол кісі «сіз менімен жұмыс істесеңіз» ойнаймын дедім. Асықпай, аптықпай, дұрыс жұмыс істеу керектігін айттым. Өйткені, бір актердің еркелігі үшін немесе кемшілігі үшін киноны құрдымға кетіргім келмейді. Өйткені, бұл аманат»,- деді ол.

Бөлісу:
Мағжан Орынбасар
Автор

Мағжан Орынбасар

jambylinfo.kz сайтының авторы

Ұқсас жаңалықтар