Танымал журналист, «Мәриям» қорының негізін қалаған Ләйлә Сұлтанқызы эко арқылы бала сүйген тағы бір отбасы – Әлім мен Эльмира есімді ерлі-зайыптылардың оқиғасын көпке жария етті, деп жазады jambylinfo.kz.

Ләйлә Сұлтанқызына сұхбат берген Эльмира бұл қайын інісінің сыйлығы екенін айтты.

«Бір күні қайным келіп, «болды, жеңге, Астанаға барасыз. Алла қаласа сәбилі болып келесіз» деді. Содан, елордаға келіп, қолы алтын дәрігер Алмас Құрманғалиұлының арқасында күзде аяғым ауыр екенін біліп, қыста босандым», - дейді Эльмира.

Ләйлә Сұлтанқызы жазғандай, Әлім мен Эльмира осы сыйлықтың арқасында қыз бала сүйіп, қазір бақытты ата-ана болып отыр. Журналистің оқырмандары болса жеңгесінің өміріне алаңдап, осындай сыйлық жасаған қайын інісіне ризашылық танытқан.