7 сәуірден бастап Қазақстанда "Орда аймақ" жаңа ипотекалық бағдарламасы іске қосылады, деп хабарлайды Jambylinfo.kz 

"Бұл бағдарлама үлескерлерге құрылыс барысындағы тұрғын үйді сатып алуға мүмкіндік береді, оның кепілдігі ҚТК арқылы болады. Үлескерлердің инвестициялары қорғалады: егер құрылыс аяқталмай қалса немесе құрылысшы банкрот болса, ҚТК үйдің құрылысын аяқтауға кепілдік береді", – делінген хабарламада.

Өтініштер "Отбасы банк" арқылы қабылданады. Қатысушының осы банкте депозиті болуы және өз атына тіркелген тұрғын үйі болмауы қажет.

Сыйақы ставкасы 15,9% құрайды, жылдық тиімді сыйақы мөлшерлемесі 17,26%-дан 22,81%-ға дейін, бастапқы жарна – 20%-дан бастап. Несие сомасы 1 млн теңгеден 75 млн теңгеге дейін, мерзімі 1 жылдан 20 жылға дейін беріледі.