дүйсенбі, 22 сәуір, 2024 7:45

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыныз

Байланыс

Халық қайғыдан қан жұтып отырғанда отандық телеарналар шоу көрсетеді – Данияр Есен

Халық қайғыдан қан жұтып отырғанда отандық телеарналар шоу көрсетеді – Данияр Есен
Сурет "Хабар" телеарнасының сайтынан алынды
Белгілі тележурналист Данияр Есен су тасқыны кезіндегі отандық телеарналардың жұмысын сынға алды. Оның сөзінше, жұрт дезинформация таратпауы үшін мемлекеттік ақпарат құралдары сағат сайын дұрыс ақпарат беріп отыруы тиіс, деп хабарлайды jambylinfo.kz.

Журналист 31 наурыз, жексенбі күні кешке жақын отандық телеарналарға жеке-жеке анализ жасап, қай телеарна қандай бағдарлама көрсетіп жатқанын видеоға жазып алған. Кейін оны әлеуметік желідегі парақшасына жүктеген. 


«Бүгін 31 наурыз, жексенбі сағат 19:40,  қаншама отбасы үйсіз, күйсіз, малсыз қалып жатыр. Енді біздің мемлекеттен ақша алып отырған отандық телеарналарға шолу жасап көрейік. «Жібек жолы» телеарнасы «Жақсы адамдарым» шоу бағдарламасын беріп жатыр, «Қазақстан» телеарнасы «Құрсаудағы қыз» түрік сериалын көрсетіп жатыр. Ал «Хабар» телеарнасында «Қызық таймс» болып жатыр. Қаншама отбасы үйсіз, күйсіз қалып жатыр, дәл осы уақытта мемлекеттік телеарналар шоу бағдарламаларды тоқтатып, тікелей эфирден ақпарат таратуы керек. Мысалы, былтыр Түркияда жер сілкінісі болғанда бүкіл трансляцияларды тоқтатып, тікелей эфирде ақпарат  тартты. Ал біздің телеарналардың кейпі осы»,- деп жазды журналист. 


Данияр Есеннің бұл постын оқырмандар да қолдап, таратып, мемлекеттік ақпарат құралдары сағат сайын жедел ақпарат таратып отыру керек деген пікір қалдырған. 

Индира Тәліпқызы
Автор

Индира Тәліпқызы

jambylinfo.kz сайтының авторы

Ұқсас жаңалықтар