жексенбі, 21 шілде, 2024 9:11

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

Ұлттық спорт Таразда кеңінен насихатталды: жастар қорамсаққа қол салуды біле ме?

Ұлттық спорт Таразда кеңінен насихатталды: жастар қорамсаққа қол салуды біле ме?
Сурет: jambylinfo.kz
Тараздағы Ы.Дүкенұлы атындағы қалалық мәдениет үйінде «Ер қаруы – бес қару» атты фестиваль өтті. Наурызнама онкүндігі аясында Ұлттық спорт күніне орай ұйымдастырылған шарада қала жастары 6 спорт түрінен жарысқа қатысып, ұлттық ойындарды қайта жаңғыртты, деп хабарлайды jambylinfo.kz

Аталған фестивальде жастар садақ ату, гір көтеру, арқан тарту, ләңгі тебу, асық ату, қол күрес сынды спорт түрлерінен сайысқа түсіп, ішінара мықтыларды анықтады. Қызығы, қатысушылар қалалық болғандықтан, жарыс барысы жастардың ұлттық спорттан қол үзіп қалғанын көрсетіп отыр. Қорамсаққа қол сала алмағандар адырнаны тартуда бір састы. Ал, нысананы дәлдеуде «құралайды көзге атқандар» талай жаңылысты. Бірақ, өз деңгейінде жақсы өнер көрсете алды.

Ұйымдастырушылардың сөзінше, іс-шараның өзі қала тұрғындарына бабалардан қалған мұраны насихаттауға мұратталған. Осы орайда аға буын өкілдері ұлттық ойынның әр түрі бойынша сайыстарда ережелерді еске түсіріп, фестивальдың тартысты өтуіне септігін тигізді.

Шара соңында 6 ұлттық спорт түрінен күш сынаған 6 команда ішінен жеңімпаздар анықталып, ынталандыру сыйлықтарымен және алғыс хаттармен марапатталды.

 

Мағжан Орынбасар
Автор

Мағжан Орынбасар

jambylinfo.kz сайтының авторы

Ұқсас жаңалықтар