Бөбекжай-балабақша қызметкерлері дәрігер мен мейірбикені шақырып, алғашқы медициналық көмекке жүгінген, деп хабарлайды jambylinfo.kz. Мәлімет бойынша 34 бала астан уланған. 

«Келес аудандық санитариялық-эпидемиологиялық бақылау басқармасы тарапынан тексеру жұмыстары жүргізілді. Таңғы аста балаларға берілген ботқаның құрамы, сүттің құрамы сараптамаға жіберілген. Ауруханаға жөнелтілген балалардың жағдайы дәрігерлердің жіті бақылауында», - деп хабарлайды басқарма. Осы жағдайға байланысты Келес аудандық полиция бөлімі қылмыстық іс қозғаған.