Жамбыл облысының аудандық сотында әке мен қызының арасындағы кикілжің қаралып, билердің көмегімен медиациялық келісім жасалды, деп хабарлайды jambylinfo.kz.

Облыстық соттың баспасөз қызметі хабарлағандай, Д.есімді азаматша сотқа арыз жазып, әкесінен алимент өндіріп беруді сұраған. Бойжеткен аймақтағы жоғарғы оқу орындарының бірінде күндізгі бөлімде білім алған.

«Талап арыз берген азаматша күндізгі бөлімде білім алатындықтан, қаржылай қолдау қажет екенін айтып, әкесінен  оқуға байланысты алимент төлеуді талап еткен. Сотта татуластыру рәсімдерін жүргізу кезінде тараптар билердің көмегімен  медиациялық келісімге келді. Келісім бойынша, Д.-ға оқуға байланысты алимент төлеуге, ал талап қоюшы өз кезегінде талабынан бас тартуға міндеттенді», - деп хабарлайды соттың баспасөз қызметі.

Сот ұйғарымымен келісім бекітілді, іс өндірісімен тоқтаған.