дүйсенбі, 27 мамыр, 2024 18:33

Jambylinfo.kz - Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз.

Байланыс

«Алтыннан дәмелімін». Елдос Сметов Жақсылық Үшкемпіровтың үмітін ақтай ала ма

«Алтыннан дәмелімін». Елдос Сметов Жақсылық Үшкемпіровтың үмітін ақтай ала ма
Ұлттық Олимпиада комитеті
Спортшы ел абыройы үшін шаршамауға серт берді

Дзюдодан Рио де Жанейро Олимпиадасының күміс жүлдегері Елдос Сметов биыл Парижде алтын алғысы келетінін айтты, деп хабарлайды jambylinfo.kz.

Жастар арасындағы Әлем чемпионаты мен Азия чемпионатының жеңімпазы Елдос Сметовтың мойнында тек Олимпиаданың ғана алтыны жоқ. Жасындай жарқырап, Рио де Жанейро Олимпиадасында атой салғанымен, ақтық сайыста ресейлік спортшы Беслан Мудрановқа есе жібергені есімізде. Ал, 2021 жылы Токиода жапондық Наохиса Такатодан жеңіліп, қола жүлдені місе тұтқан. Жамбыл облысынан шыққан даңқты спортшы биыл Париж Олимпиадасына барады, бұл жолы Сметов алтыннан дәмелі. Бұл ойын ол Астана төрінде өтіп жатқан гранд-слэм турнирінде қола жүлде жеңіп, журналистерге сұқбат берген кезінде айтты. Елдос Сметов марқұм спорт саңылағы Жақсылық Үшкемпіровтың елордада 2015 жылы әлем чемпионы атанған шағында берген батасын еске алып, ел абыройы үшін намысқа тырысатынын жеткізді.

"Әттең, Жақсылық Үшкемпіров биыл тірі болғанда 73 жасқа толар еді. Күресімізді көрер еді.  2015 жылы Әлем чемпионы болғанымда өзінің жеп отырған қасығымен тамақ беріп, "менің жолымды басқан қазақ баласын көрсем екен" деген еді. "Сенен Олимпиада чемпионы шығатынына сенемін" деп батасын берген. Мені спортта ұстап тұрған нәрсенің бірі осы. Олимпиада алтынын алу өзімнің де мақсатым. Ел мүддесі мен абыройы үшін менің шаршауға қақым жоқ",- деді Елдос Сметов.

Бөлісу:
Мағжан Орынбасар
Автор

Мағжан Орынбасар

jambylinfo.kz сайтының авторы

Ұқсас жаңалықтар