Астананың халықаралық әуежайында World Boxing 2025 чемпионатынан жеңіспен оралған Қазақстан құрамасын жанкүйерлері мен жақындары зор қошеметпен күтіп алды, деп хабарлайды Jambylinfo.kz 

Ұлыбританияның Ливерпуль қаласында өткен әлем біріншілігінде отандастарымыз тарихи жетістікке қол жеткізді. Жарысқа 60 мемлекеттен 500-ден астам спортшы қатысса, Қазақстан құрамасынан 20 боксшы сынға түсті. Оның ішінде 10 спортшымыз жүлдегер атанып, ел қоржынына 7 алтын, 1 күміс және 2 қола медаль салды.