Оffside.kz 31 жастағы қазақстандық дзюдошы Елдос Сметов Париждегі Олимпиадада жеңіп алған алтын медальдің құны қанша екенін есептеген, деп хабарлайды Jambylinfo.kz

Олимпиада медалінің салмағы - 529 грамм, бірақ 95,4 пайызы күмістен тұрады, алты грамы - таза алтын. Алтынның қазіргі бағасына қарасақ, медальдің құны шамамен 950 доллар немесе 450 мың теңге болады.

Егер медаль толығымен алтыннан жасалған болса, оның құны шамамен 41 мың доллар болатын еді. Соңғы рет таза алтыннан жасалған медаль 1912 жылы Стокгольмде өткен Олимпиадада табысталды.