Павлодарлық ұстаз Оразбек Бөкейхан олимпиада чемпионы атанған Елдос Сметовке ән арнады. Бұл туралы ол әлеуметтік желідегі парақшасына жазған, деп хабарлайды Jambylinfo.kz

Өнерпаз палуанның татамиде бар қарсыласын тізе бүктіріп, чемпион атанғаннан кейінгі сөздерінен қатты әсер алып,  «Елдос чемпион!» деп аталатын авторлық әнін жазған.

"Бұл ән, бұрынғы әннен өзгерек. Батырымыздың олимп төрінде атой салып, алтыннан алқа тағынған сәтінен шабыт алып, осы бір ән туды.  "Елдос чемпион” әнімді қабыл алыңыздар. Баршамызға Елдос Сметов сыйлаған алтын жүлде құтты болсын!",- деген әннің авторы.