Бұл сабақтастық па әлде сәйкестік пе? Тарихи фотоларды көрген Туризм және спорт министрі Ербол Мырзабосынов әлеуметтік желіде жазба жариялады, деп хабарлайды Jambylinfo.kz.

Бірінші фотода көрнекті тұлға Дінмұхаммед Қонаев пен Жақсылық Үшкемпіров қол алысып тұрса, араға жылдар салып, Париж олимпиадасының жеңімпазы Елдос Сметов Президент Қасым-Жомарт Тоқаев тарихи сәтті қайталаған.
Дәл осындай ел мақтаныштарының тұғырда тұрған фотолары биылғы жазғы олимпиададан кейін желіде танымал болған еді. 
Тарихи фотоларды көрген Туризм және спорт министрі Ербол Мырзабосынов әлеуметтік желіде жазба жариялады.

-    Қазақтың бағына біткен қос балуан. Жаһанды мойындатқан екі чемпион. Қаһармандарын қолдаған қос басшы. Ұлттың ұстыны болған екі президент (Қонаевты да осылай атауға болар). Тұғырдан түспеген төрт тұлға. Төрткүл дүниеге танымал төрт қазақ. Ғажап сурет, тарихи сәт емес пе?! Бүгін әлеуметтік желіден көрген мына суреттер маған қатты әсер етті. Жақсылық Үшкемпіров 1980 жылғы Мәскеу Олимпиадасында чемпион атанды. Араға 44 жыл салып ол бағындырған биікке Париж төрінде Елдос Сметов көтерілді. Жақсылық ағамыз Дінмұхамед Қонаев атамыздың құрметіне бөленсе, Елдос президентіміз Қасым-Жомарт Тоқаевтың ықыласына кенелді. Қазақтың маңдайына біткен осындай ерлеріміз, спортшыларымыз көп болсын!,- деп жазды министр.