Ирландиялық файтер Instagram желісінде жекпе-жек аяқталған видеоны жариялап, Шавкатты қаншалықты құрметтейтінін ағылшын және қазақ тілдерінде жазды, деп хабарлайды Jambylinfo.kz

– Шавкат, жекпе-жекті қабылдамауыңа болса да, оған шықтың, титулдық жекпе-жекке тәуекел еттің. Саған, талантыңа деген құрметтен басқа ештеңем жоқ. Құттықтаймын және тағы да кездесетін сәтімізді асыға күтемін – екеуміз де кімнің қауіптірек жауынгер екенін білеміз, - деп жазды Гэрри Instagram парақшасында қазақ және ағылшын тілдерінде.

Еске сала кетсек, кеше қазақстандық Шавкат Рахмонов (18-0) Лас-Вегаста (АҚШ, Невада штаты) UFC 310 турнирінде ирландиялық файтер Иэн Гэрримен жекпе-жекке шығып, төрешілердің бірауыздан шешімімен қарсыласынан басым түсті.