Атырау облысында қайын атасы мен енесін өлтірді деген күдікпен 29 жастағы Сұлтан Сәрсемәлиев халықаралық іздеуге жарияланды, деп хабарлайды Jambylinfo.kz 

Сондай-ақ оның әйелі - марқұмдардың кіші қызы Ақбаян Мұқанғалиева да із-түссіз жоғалғандар қатарында халықаралық деңгейде іздестірілуде. 

Полицияның мәліметінше, екі адамға да халықаралық әріптестік желісі арқылы іздеу бағыттамалары жіберілген. Қазіргі уақытта күдіктілердің барлық ұялы телефондары өшірулі. 

Еске салайық, 2025 жылдың күзінде Қызылқоға ауданына қарасты Жангелдин ауылында бір отбасының төрт мүшесі із-түссіз жоғалған. Кейін үй ауласынан ерлі-зайыпты Мақсот Қарабалин мен Насипа Өтешқалиеваның мәйіттері көмілген күйде табылды. Ал олардың балалары - Мейрамгүл Қарабалина мен Наурыз Мұқанғалиев әлі күнге дейін табылған жоқ.

Құқық қорғау органдары қылмысқа өзге адамдардың қатысы болуы мүмкін деген нұсқаны да тексеріп жатыр. Тергеу жалғасуда.