Заң
Жамбыл облысында үш айда 2 тоннаға жуық есірткі тәркіленді
- авторjambylinfo.kz
- 14 қыркүйек, 2020
- 197
Жамбыл облысында үш айда 2 тоннаға жуық есірткі тәркіленді
Жамбыл облысында «Қарасора-2020» Жедел алдын алу шарасы барысында екі тоннаға жуық есірткі заты анықталған.
Облыстық Полиция департаментінің баспасөз қызметінен мәлім еткендей, биылғы 1 маусымда басталған «Қарасора - 2020» жедел алдын алу шарасының үш айы ішінде Жамбыл облысында есірткіге қатысты 209 факті анықталды. Атап айтсақ, 209 фактінің 30-ы ҚР ҚК 296-бабы 4-бөлігі бойынша (есірткі құралдарын аса ірі мөлшерде сақтау), 12 факті ҚР ҚК 297-бабы бойынша (есірткі құралдарын өткізу), 2 факті ҚР ҚК 286-бабы бойынша (есірткі құралдарының контрабандасы), 22 факті ҚР ҚК 300-бабы бойынша (құрамында есірткі бар өсімдіктерді өсіру), 85 факті ҚР ҚК 296-бабы 1-бөлігі бойынша (есірткі құралдарын пайдалану), 44 факті ҚР ҚК 296-бабы 2-бөлігі бойынша (есірткі құралдарын өткізу мақсатынсыз заңсыз сақтау), 14 факті ҚР ҚК 296-бабы 3-бөлігі бойынша (есірткі құралдарын ірі мөлшерде заңсыз сақтау) расталған», - делінген ведомство хабарламасында. Барлығы заңсыз айналымнан екі тоннаға жуық түрлі есірткі заттары тәркіленген. Оның ішінде 1 тонна 900 келіден астам марихуана, 27,5 келіге жуық гашиш, 1 келі синтетикалық есірткі және 2 келіге жуық канабис шайыры бар. Сондай-ақ, жуырда ғана, яғни, 8 қыркүйек күні Жамбыл облысы ПД ЖПБ қызметкерлері «Батыс Еуропа-Батыс Қытай» трассасында ЖПД-мен бірлесіп Lada Grant автокөлігін тоқтатып, тексеріс барысында Барон атты қызметтік ит 32 жастағы алматылық жүргізушіден салмағы 226,5 грамм гашиш пен 820 грамм кептірілген марихуананы тапқан.
inform.kz/kz
Автор
jambylinfo.kz
Jambylinfo.kz- Әлемдегі және еліміздегі соңғы жаңалықтар. Түрлі мәселелерден біздің ақпарат агенттігі арқылы хабарда болыңыз
Келесі мақала
Демалыс күндеріндегі шектеу шаралары қашан алынады?
Ұқсас жаңалықтар
Заң
Діни алауыздықты қоздырды деген айып тағылған қазақстандық Ресейден қайтарылды
- авторМағжан Орынбасар
- 13 қыркүйек, 2024