Мемлекет басшысының 2021 жылғы Жолдауында 2025 жылдың соңына дейін халықтың 100% таза ауыз сумен қамту тапсырмасына сәйкес, Жамбыл облысында тиісті жұмыстар атқарылуда, - деп хабарлайды Jambylinfo.kz

Елді мекендерді сапалы ауыз сумен қамтамасыз ету маңызды мәселелердің бірі.

Бүгінгі таңда облыстағы 371 елді мекеннің 97% сапалы ауыз сумен қамтылған. Бүгінге ауыз сумен қамтамасыз етілмеген Тараз, Шу қалалары бойынша 9 тұрғын алқап және 27 ауылдық елді мекен қалып отыр.

22 ауылда су жүйелерін салу жоспарланған, оның ішінде 17 ауылдағы құрылыс 2024 жылдан өтпелі, 4 елді мекеннің құрылыс жұмыстары биылғы жылы басталатын болады.

Халық саны аз 5 елді мекенде кешенді блок-модульдер орнатылады.

Қордай ауданындағы Алға ауылын ауыз сумен қамту жобасы сараптамадан өтуде.

Жоспарланған жұмыстарды толық аяқтау үшін республикалық бюджеттен 7,2 млрд теңге қаражат қажет. Сондай-ақ, жергілікті бюджет есебінен де қаржыландыру көзделуде.

Жамбыл облысы тұрғындарын таза ауыз сумен қамту – басты басымдықтардың бірі. 2025 жылы 100% сапалы ауыз сумен қамтамасыз ету жоспарлануда.