Бүгін ӨКҚ баспасөз алаңына Байзақ ауданы әкімінің міндетін атқарушы Болат Сағымбеков келіп, ауданда атқарылған жұмыстар бойынша баяндама жасады. 
Шенеуніктері Jambylinfo.kz тілшісі экс-әкім жайлы сұрақ қойды. Шілде айында зейнеткер атанған Бақыт Қазанбасов туралы әлеуметтік желілерде «Тағайындалмаған әкімге кеңесші болды. Депутат болып, кейінірек аудандық мәслихат төрағасы болуға дәмелі» деген сыңайдағы жазбалар жазылып жүр. Осы бойынша аудан әкімінің міндетін атқарып жүрген Болат Сағымбеков жауап берді. 

-    Бұл ақпарат жалған. Ол кісі зейнеткерлік жасына жетіп, зейнетке шыққасын келісімшартпен 1 аптадай жұмыс істеді. Бүгінгі таңда  ол кісі депутаттыққа түсіп жатқан жоқ. Әкімдікке мүлде келмейді,- деді Болат Сағымбеков.