Бүгін облыстық Қазақстан халқы ассамблеясының 30 жылдығы аясында ҚХА-ның кеңейтілген кеңес отырысы өтті, - деп хабарлайды Jambylinfo.kz

Жиынға облыс әкімі Ербол Қарашөкеев, Қазақстан Республикасы Президентінің кеңесшісі Мәлік Отарбаев, Қазақстан халқы Ассамблеясының  мүшелері мен ардагерлері, облыстық этномәдени бірлестіктер мен құрылымдардың өкілдері қатысты.

Жиында Қазақстан халқы Ассамблеясының өңірде атқарып жатқан жұмыстары және 1 мамыр – Бірлік күні мерекесіне орай өткізілетін іс-шаралардың барысы талқыланды.

Кеңес отырысында облыс әкімі аймақта атқарылған ілкімді істерді тілге тиек етіп, жиынға қатысушыларды ҚХА-ның 30 - жылдығымен құттықтады.

Бұдан кейін Мәлік Отарбаев сөз алып, бейбіт елдің бірлігін нығайту жолында Ассамблеяның маңызы зор екенін атап өтті.

Отырыс соңында бірқатар тұлға “Қазақстан халқының Ассамблеясына - 30 жыл” мерекелік медалімен марапатталды.