Бүгінгі таңда түзеу мекемелерінде жазасын өтейтін жандардың қоғаммен байланысын арттыру үшін кешенді шаралар қолға алынған. Әсіресе, оларды жұмыспен қамту мен тиісті медициналық көмек көрсету жүйелі шешіліп келеді. Бұдан бөлек, сотты болған азаматтарға қайырымдылық жасап, оларға тұрмысқа қажетті құрал-жабдықтарды тарту ететін жомарт адамдар да кездеседі. Мәселен, «Қабанбай Баба» қоғамдық ұйымының төрағасы Әуесхан Зауырбеков өңірлік Қылмыстық-атқару жүйесі департаментіне бағынысты №26 түзеу мекемесіндегі сотталғандарға қайырымдылық жасады. Игі шара барысында арнайы контингентке микротолқынды пештер сыйға берілді. Айта кетейік, жалпы мұндай шаралардың негізгі мақсаты - жазасын өтеушілердің қоғаммен байланысын арттыру әрі олардың түзелу жолына түсуіне ықпал ету.