Жамбыл облысы бойынша ҚАЖ департаментіне қарасты №59 мекемесінде жазасын өтеп жатқан сотталған азаматтарға Асқар Тоқпанов атындағы Жамбыл облыстық қазақ драма театрының ұйымдастыруымен «Жандауа» атты трагедиясы көрсетілді. Онда ауылдан қалаға көшіп келген қария мен кейуананың отбасымен бірге қала өмірінен тартқан машақаттар, жалғыз ұлдарының бұзақылар ортасына, одан әрі есірткіге әуестеніп, азап кешуі баяндалады. Бүгінгі таңда қоғамымыздың "ғасыр дерті" саналатын нашақорлық тақырыбындағы шығарма жазасын өтеушілерді нашақорлық, ішімдік секілді жат, жаман әдеттерден аулақ болуға, салт-дәстүрді дәріптеуге және бір-бірімізді құрметтеуге үндейді.