Жамбыл облысындағы №59 мекемеде Жаңа жыл мерекесіне орай спорттық іс-шаралар өтті, деп хабарлайды Jambylinfo.kz

Жаңа жыл мерекесін атап өту аясында Жамбыл облысы бойынша Қылмыстық-атқару жүйесі департаментіне қарасты №59 мекемесінде сотталғандар арасында спорттық іс-шаралар ұйымдастырылды. Аталған шаралардың негізгі мақсаты – салауатты өмір салтын насихаттау, сотталғандардың бос уақытын тиімді ұйымдастыру және олардың әлеуметтік-психологиялық ахуалын жақсарту.

Спорттық жарыстар бағдарламасына шағын футбол, арқан тарту, үстел теннисі және басқа да белсенді ойын түрлері енгізілді. Іс-шара барысында қатысушылар өзара ұйымшылдық пен спорттық рух танытып, белсенділік көрсетті.

Жарыс қорытындысы бойынша жеңімпаздар мен белсенді қатысушылар мекеме әкімшілігі тарапынан мадақтамалармен марапатталды. Мұндай іс-шаралар сотталғандарды тәрбиелеу жұмыстарының бір бөлігі ретінде тұрақты түрде өткізіліп келеді.