4 қаңтарда сағат 17.15 шамасында Тараз қаласының «Mart» сауда орталығына жарылғыш құрылғы қойылғаны туралы хабарлама түскен, деп хабарлайды Jambylinfo.kz 

Аталған орынға шұғыл түрде Полиция департаментінің қызметкерлері және басқа да жедел қызметтер шықты. Қазіргі уақытта сауда орталығының ғимараты тексерілуде. Келушілер мен жұмысшылар эвакуацияланды.

Тексеру шаралары аяқталғаннан кейін сауда үйінің жұмысы штаттық режимде жалғасатын болады.

Жамбыл облысының Полиция департаменті азаматтарды дүрбелеңге түспеуге, тек ресми ақпарат көздеріне сенуге және уақытша шектеу шараларына түсіністікпен қарауға шақырады.